كتب / رؤوف قــــنــــش
فى مقطع مطول من مشهد سينمائى لفيلم أنا الدكتور وهو من الأفلام القديمة والتى كانت تتسم بالواقعية وتعالج السلبيات التى كانت موجودة وما زالت موجودة وتفحلت وأصبحت من الموروثات فى مجتمعنا قضية فساد واضحة المعالم وأعتقد أنها ما زالت مستمرة حتى وقتنا هذا حديث دار بين طبيب بشرى الدكتور صادق الفنان ( حسن مصطفى ) وآخر صيدلى الدكتور توفيق الفنان ( توفيق الدقن ) إستفزنى الحوار الذى دار بين الأثنين طبيب يكتب الروشتة بما يراة مناسبا للمريض ويساعدة على الشفاء السريع دون معاناة حتى لو لم يذهب المريص للصيدلى فقد يكتب الطبيب روشتة تخلو من العلاج ويكتفى بوضع روشتة مكتوب فيها كراوية وينسون وبكل تأكيد لم يعجب الصيدلى هذا المكتوب لأنة يريد أن يصرف بضاعتة الراكدة حتى على حساب المريض المسكين .
تعالوا نقترب رويدا رويدا من الحوار الذى دار بين الطبيب المعالج والصيدلى الفاسد .
دخل الدكتور توفيق غرفة الدكتور صادق وهو يتناول ( الشلولو ) وقال لة بنمسى يا دكتور صادق ياعبد الحق فرد علية اهلا يا دكتور توفيق اتفضل شلولو .
الصيدلى // شلولو شلولو اية وبلولو اية يادكتور أنا جاى أقولك أشوف وشك بخير أنا راجع مصر
الطبيب // تروح وترجع بالسلامة .
الصيدلى // أنا مش راجع هنا تانى مش راجع أبدا أقعد أعمل إية هنا أنا هقفلها هقفل الأجزخانة بالضبة والمفتاح .
الطبيب // لية كفى الله الشر هوة حصل إية لكل دة .
الصيدلى // إية الروشتة اللى أنت كاتبها وعايزنى أصرفها .
الطبيب // فية اية مالها الروشتة .
الصيدلى // انت كاتب كباية ينسون صباحا وآخرى مساء دى روشتة يكتبها دكتور لواحد عيان أصرف أنا اية أطلع منها باية دى ينفع كدة .
الطبيب // مش بكتب لة الشيئ إللى يلزمة والشيئ إللى يشفية يا توفيق .
الصيدلى // تشفية ويتخرب بيتى أنا هوة أنا فاتح الأخزخانة علشان أبيع فيها ينسون وكمون أنا صيدلى ولا عطار يا دكتور فهمنى .
الطبيب // انت صيدلى ما قلتش حاجة بس الراجل مش محتاج إللى أنا كتبتهولة .
الصيدلى // يا دكتور الدكاترة بيكتبوا الروشتة وش وضهر وأنت أكبر روشتة كتبتها شيح خرزان ولبان دكر وينسون وكراوية .
الدكتور // مش هتاكل شلولو يا توفيق .
الصيدلى // لية ما تكتبشى لكل عيان روشتة عدلة روشتة دوا حقن مضادات حيوية دوا من الأدوية اللى مالية السوق ومش لاقية مريض يشتريها .
الدكتور // سبحان الله يعنى أكتب لة دوا بالعافية يا أخى .
الصيدلى // يادكتور صادق مافيش بنى آدم سليم أبدا وكل إنسان وفية علة لو ما إكتشفهاش هوة تكتشفها إنت وكل علة لها دوا وكل دوا لة تمن افهم بقى يا دكتور .
الدكتور // فاهمك أوى بس فية علل نعالجها من غير دوا اللهم إعفنى من الزلل اللهم إرشدنى لطريقك المستقيم وإهدنى يارب العالمين .
الصيدلى // والفيتامينات عملوها لية يا دكتور صادق
الدكتور // من وجهة نظرى الشخصية والطبيبة الصحيحة الفيتامينات مش ضرورية أبدا للى بياكل وجبات غذائية كاملة رغيف عيش وحتة جبنة وفحل بصل وعودين جرجير وقطاية ولمونة أفيد الف مرة من الفيتامينات بتاعتك فهمت يا سيدى إلا إذا احتاج الأمر طبعا دى تجاربى ودى طريقتى ودى خبرتى عايز تقول اية بقى .
الصيدلى // على كدة الروشتة إللى هتكتبها المرة الجاية هتكون بجبنة قريش .
الدكتور // الله على الجبنة القريش بشوية زيت وشوية بقدونس وشوية جعديط كلها حديد وبروتين .
الصيدلى // يعنى أقفلها وأبيع طرشى أبيع لفت .
الدكتور // ياسلام على اللفت ومنافع اللفت .
الصيدلى // تصدق بالله لو كانت الدكاترة كلها زيك كانت معامل الأدوية اللى فى العالم قفلت أنا هقفل
الدكتور // ما تقفل وإية يعنى ما تقفل .
الصيدلى // وأودى العلاج فين التراميسين والإستربتومايسين والنوفالجين اللى متكاومين عندى دة فين أودية فين يا دكتور ياشيخ اتقى الله حرام عليك.
الدكتور // أنا متقية علشان كدة مش عاجبك ولا عاجب الست بتاعتى .
